شەفەق نیوز/ لە تەمەن ٣٢ ساڵان، خانمە ئەکتەر و نمایشکار پڕتاڵ ئەفریقا باشووری چارلبی دین، گیانی لەدەسدا، ئەو خانم ئەکتەرە ک یەکیگ لە کەسایەتیەیل فیلم "تراینگل ئۆف سادنیس" بوی، ک خەڵات ساف تەڵایی لە ڤیستواڵ کان ئمساڵ گرد.

خانمە قسەکەریگ وەناو دین لەو خەوەرەیلە ک سایت (تی.ئێم.زی) بڵاوی کرد وت: خەوەر مردنی دڵتەزنە.

سایتەگە وتیش: چارلبی دین لەناو یەکیگ لە خەسەخانەیل نیویۆرک وەناکاو مرد،

زانیاری لە هووکارەیل مردنی نەڕەسیە، ک ئایا بیمار بویە.

چارلبی لە فیلم "تراینگل ئۆف سادنیس" رۆڵ "یایا" رانێد، ک خانمە نمایشکار پڕتاڵە، و لە ناودیارەیل سۆشیال میدیاس، و خوەشی لە وینەیل خوەی وژیان پیشەیی تیەێد، مکیسی ئەرا گەشتییگ دەریایی کریەێد، وەگەرد ئەو پیاوە ک پەیوەندی دڵداری وەگەردی دیرێد.

چارلبی لە ٥ شوبات ١٩٩٠ لە کێب تاون لە باشوور ئەفریقا لەداڵگبویە.

لە تەمەن شەش ساڵانی دەسکردە نمایشکاری، و لەتەمەن بیس ساڵان وە دوو فیلم ئافریقا باشووری لەناو سینەما دەرکەفت.