شەفەق نیوز/ خانمە شیوەكار، گوڵاڵە حەمید لە قەزای كفری سەروە ئیدارەی گەرمیان، وینەیگ فۆتۆگرافی گورزەیل کۆماری ئیران  لەبان  بنکە و بارەگای حزبەیل کورد ئۆپۆزسیۆن ئیرانی لە کۆیە وە هونەر شیوەکاری کیشا.

هونەرمەن گوڵاڵە حەمید تابلۆگەی نمایش کردیە تا ئازار ژن و مناڵ و خەڵک ئاوارە  لەو گورزەیلە وەزوان رەنگ نیشان بیەێد.

ڕەنگ سوور لەناو ئەو تابلۆ فرە زاڵە، وە نشانەیگ ئەرا ڕەنگ خوین، و شیوەی مەردمەگە وە زەرد ڕەنگی کردیە، ک ئەوانە لەوەر ئەو مووشەک و گورزەیلە زیڕە کەن، و خوازن پەنا وە شوینیگ ئارام لەبان ئی زەوی گەورە بوەن.