شه‌فه‌ق نیوز/ شه‌ورای شار هه‌مه‌دان له ئیران، ده ساڵهاتی رووژ پزشک و وه دی‌هاتن ئه‌‌بو‌عه‌لی‌سینا، پزشک نامدار ک قه‌ورخانه گه‌ی ها هه‌مه‌دان، پێشنێار دا ک خیاوانێ بکرێگه نام ماموستا هه‌ژار موکریانی، شاعر و نویسه‌ر و موته‌رجم کورد مه‌هابادی.
ئه‌وان ده‌سپێچ ئی کارێیانه ته‌رجمه‌ی کتاو "قانوون تب / قانون طب" ئبن سینا زانستنه ک ماموستا هه‌ژار له عه‌راوی، ئه‌ڵگه‌ردانگه‌سه‌ی وه فارسی.
عه‌بدوڕه‌حمان شه‌ره‌فکه‌ندی، ناسریاگ وه هه‌ژار، کورد بیین خوه‌ی ده‌لیلێ زانستگه ئه‌ڕا یه ک ده وه‌ره‌قه‌ت ته‌رجمه‌ی ئی کتاو فره ته‌خه‌سوسییه ئه‌ڵهایێگ.
ده هه‌مه‌دان، کورد و له‌ک و لوڕ، وه‌رد فارس و تورک ژیین و ئی شاره ده ده‌وران هووز "ئاڵ بووییه" پایته‌خت ئێران بییه.
قه‌ورخانه‌ی باباتاهر، شاعر کورد ک فره که‌سه‌یل جوور مه‌لک شوعه‌رای به‌هار، دوکتور خانله‌ری، دوکتور موحه‌مه‌د موکری، شێعره‌یله‌ی وه زوان فه‌هڵه‌وی "په‌هڵه‌وی"، ریشگ و بنچینه‌ی زوان کوردی فه‌یلی، زانستنه.