شەفەق نیوز/ "ئاینوور دوغان"، هونەرمەند نامدار کورد درسیمی، خستە دەر ک خەڵات جەهانی وومکس "Wordwide Music Expo" وەرگرتگە.

ئی خەڵاتە دە ساڵ 1994دامه‌زریاگەو دە ساڵ 1999 ده گشت دنیا دیارییەو کریا .

ماڵگەێ دریان ئی خەڵاتە ها دە شار "برلین" ئاڵمان ک مەبەستێ پەیوەندی ناین دە نام‌بەێن گشت مووسیقییەێلەسە دە سەرانسەر دنیا.

خانم دووخان، مناڵ درسیمە دە کوردستان تورکیە ک وە خاتر عەلەوی بیین و کورد بیین، ئی ئوستانە چەن جار خاپوور کریاگە و شارۆمەندەێلەێ کوشت و بڕ کریانە و نام ئوستانەێش گوڕاننە وە نام تورکی "تونجلی".

بنەماڵەێ دووغان، وە خاتر وایین لە ستمەێل ئەرتش ئاتاتورک چەنی چەن دەهەسە چگنەسە ئستانبووڵ.

ئاڵبوومەگەێ دووغان، دە ساڵ 2004 وه بوختان یە ک پێشتگری لە "کورد" و لە "ژن" کردگە، تا ساڵێ نواێ پەخشێ گریا . درسیم تەنیا ئوستانێگە دە تورکیە ک وڵاتوەندەێلەێ، وە چەواشەێ گرد تورکیە، دە ئاخرین ئەڵبژاردنەگە شاردار کومونیستێ ئەڕاێ شییە کردن.

خاسە بزانن؛ وەر ژە یەێش "کەیوان کەڵهوڕ" لە کوردەێل هەمەدان ئێران ئی خەڵات بردگە.