جوان حاجۆ لە لێدوانێگ ئه‌را سايت (کوردمیلۆدی) وتگە “پڕ وە دڵ چه‌وەڕێ دەوڵەتێگ سەروەخوه‌ی کوردی کەم، کورد مللەتێگ وەهێزەو بايه‌د بوودە دەوڵەتێگ سەروەخوه‌ی”.
زیاتريش ئويشێ “ئيمە لە روی شومارەی نیشته‌جايه‌يل و ئاڵا و رويوەر نیشتەجێ بوين، گشت بنەماگان دەوڵەت بوين ديريمن، بايه‌د هەرچێ زويترە دەوڵەتێگ کوردی ئعلان بكريه‌ێ”.
ئەو هونەرمەندە وە جووش و خرووشەو ئويشێ “چەنه‌ها دەوڵەت لە دونیا هەن ک شومارەی نیشته‌جايه‌یليان فره لە کورد کەمترە، وه‌لی دەوڵەت سەروه‌خوه‌ی ديرن”.
جی باسە، جوان حاجۆ لە ماوەی گوزه‌يشته کۆنسێرتێگ خه‌ێرخوازی لە هەردو شار هەولێر و دهۆک ئه‌را پشتگیری ئاوارەیل رووژئاوای کوردستان سازکرد ک له‌تی زیاتر لە نیم ملیۆن دۆلار ئەمەریکایی جوور ده‌سمه‌يه‌ت ئه‌را ئاوارەگان گرده‌وکريا.
ا. ج