شەفەق نیوز- ئمساڵیش جوور هەر ساڵ، دوانزه‌همین فستیواڵ فیلم کوردی لەندەن ک گەپترین جەشنوارەێ بەرهەمەێل کوردییە دە دنیا، وەگەرد هەشتمین دەورەێ هماڵداری کورتەفیلم یادبوود "یوڵماز گونای" فیلمساز نامدار کورد، وەیەکا نریا.

ئی فستیواڵە ک وە شێوه‌یێکێ ئانلاین ئوو لە 16 تا 27 ئاپریل 2021 زایینی نریاگە، گشتێ هن فیلمەێلێگە ک دە بارەێ کوردەێل دسازرێ ئوو هەر ساڵ فیلمسازەێل کورد و ناکورد دە بەشەێل هماڵدارەکی، دانیشتنەوەێلە، کارگاێلەێ ئامووزکاری، رخنەگری و ... دە شار لەندەن دەێ ددرنە نیشان.

توورەج ئەسڵانی، وەرد فیلم "حەماڵ تڵا" دە ئی فستیواڵە بەشداری دکەێ.

ئەوی وەرد ئی فیلمە دە بەش New Currents ک هن هماڵدارەکییەێل ئەسڵی جەژنوارەێ "بووسان/ Busan" ده کورەێ‌خوارینە بەشداری کردگە و بییە وە کاندیداێ گرتن خەڵات یەکم و دوێیم ئەو رووداوە.

توورەج هەمجا وە چەن جەژنوارەێ جەهانیێ تریش چگە ک یەکێ لەیان هن فستیواڵ جەهانی دهۆکە دە هەرێم کوردستان.