شەفەق نیوز/ وەگورەی هەواڵ لە ئاژانس هەواڵی مهر، دویکە دووشەممە، سینەماکار  رەخنەگر جەعفەر پەناهی دەسگیرکریا، ک وە ئیەو سێیەم دەرهێنەرە لەماوەی کەمتر لە هەفتەیگ دەسگیر بکریەێد.  

وەپای راپۆرتەیل ئاژانسەیل ئیرانی، پەناهی لەمەوقەی وەدویاچگن ئەرا بارودۆخ سینەماکاریگتر وە ناو محەممەد ڕەسولۆف ک چەن رووژیگ وەرجە ئیسە دەسگیرکریایە  چگە لای داواکار گشتی و لەورا دەسوەسەر کریایە.  

پەناهی تەمەن 62 ساڵ لە ساڵی 2015 لە فێستیڤاڵی فیلمی بەرلین خەڵات خرس تەڵایی وەدەس هاوردیە. 

پەناهی لە ڤیستواڵە ناودەوڵەتیەیل چەندین خەڵات وەدەسهاوردیە ئەرا ئەو فلمەیلە ک رەخنەیل تونیگ لە ئیران مۆدێرن گردنە، وەک خەڵات خرس تەڵایی لە بەرلین ئەرا فلیم "تاکسی" لە ساڵ2015 و خەڵات خاسترین سیناریۆ لە کان ئەرا فلیم "سێ روخسار" لە ساڵ 2018. 

جی باسە گەشتکردن ئەرا خول وڵات لە پەناهی قەیەغەکریایە هەر وەی مدوویەش نیەتوەنێد بەشداری بۆنە ناودەوڵەتیەیل بکەێد لە وەرگردن خەڵات.