شكايه‌تێ ئابڕوى وه‌ر ك له وه‌راێوه‌رێ به‌رزه‌و كرياس، نه‌وينيه‌يدو خوه‌ى گومه‌و بكا.
هێمان هه‌فته‌ى پێ نه‌چيه ك‘‘جان‘‘ خوه‌ى له ده‌س شكايه‌ت دوپياو رزگار كرديه ك له هۆتيل كار كردنه‌و له دادگاه، شكايه‌ت له‘‘تراڤۆڵتا‘‘ كردنه ك ده‌سدرێژى سكسى كرديه‌سه سه‌ريان.
تراڤۆڵتا له چه‌ن رووژ گوزه‌يشته، جارتر له ميديايل كه‌فته‌و ده‌يشت و باس له فيلمه تازه‌گه‌ى كرد ك بڕياره ده‌رهاوه‌ر‘‘ئوليڤر ستۆن‘‘ كار ده‌رهاوردنێ بكا.
وه‌لى دوياى يه‌ك هه‌فته، كابراى وه ناو(فابيان زانزى) ك له بان قايقێ گه‌شتيارى كار خزمه‌تگوزارى كرديه، شكايه‌تێ له بان‘‘جان‘‘ تۆمار كرديه.
فابيان وتيه: ساڵ 2009 هناى‘‘جان‘‘چوى گه‌شتيارێ هاتيه‌سه بان قايقه‌گه، چيه خواردن پێشكه‌شێ بكا، وه‌لى ئه‌وى داواى سكس له‌لێ كرديه. ئمجا دوياى يه‌گ رازى نه‌ويه وه‌ى داوا، جان كۆمه‌ى 12هه‌زاردۆلار داسه‌پێ تا هويچ نه‌ويشێد./ش