شەفەق نیوز/ پەرتووک (جیاوازی و بەراوردی ئەلفبێی کوردی) وە نموونەی ئەلفبێی ئارامی و لاتین لە نویسین ژیڤان بەکر چاپ کریا، و لە رسوومیگ لە هەولێر خوەنستن ئەرای کریەێد و بڵاو بوود. 

وەپەی ئاگادارییگ ک بڵاو کریایە، ئی پەرتووکە ک تەقەلایگە ئەرا توێژینەوە لەباوەت هەردگ ئەلفبێی (ئارامی و لاتین) و جیاوازی لە ناوبەین ئی دوو ئەلفبێیە. 

لە ساعەت ٥:٣٠ ئیوارەی ئمڕوو یەکشەممە 22/5/2022 لە سەنتەر ئاڵا ئەرا پەرەپێدان روشنهۊری و هونەری لە هەولێر رسوومیگ ئەرا پەردەلادان و ناسانن کتاو (جیاوازی و بەراوردی ئەلفبێی کوردی) ساز کریەێد. 

لە کۆڕەگە رزگار ئیسماعیل مامۆستای زانکۆ خوەنستن ئەرا کتاوەگە کەێد و کتاوەگە لەلایەن سەنتەر ئاڵا  وەبان بەشداربوەیل بەشەو کریەێد. 

ئی پەرتووکە لەلایەن "سەنتەر ئاڵا ئەرا پەرەپیدان روشنهۊری و هونەر" چاپ کریاگە و دیزاین بەرگ و  ناوەوەی شۆڕش غەفووری جیوەجیی کردگە.