شەفەق نیوز- شرکەت دەوڵەتی پوست ئێران، وێنەیێگ نوستالووژیک لە حەسەن زیرەک، ماموستای مووسیقای کوردی چاپ کرد ک کارێگە بێ‌وێنە ئەڕا خوەێ.
حەسەن زیرەک، فرەترین گوورانییەیل کوردی خوەنییە و وەرد ئورکستر سەمفونیک تێهران و بڕێ لە ماموستایل مووسیقی کوردی و فارس و ئوو دە رادیان کوردی کرماشان و رادیان کوردی تێهران، هامیاری داشتگە.
زیرەک وەختێ نمامێ بییه، سەر ئەڵگرتگە ئەڕا عراق و دە چایخانەیێگ دە بەغدا، کار کردگە، ئەوسا ئەڕا یەکم‌جار مام جەڵاڵ تاڵبانی ک هە دەو قاوەخانە دەنگێ ژنەفتگە، بییەسە راوفە و ناسانگە‌سەێ وە ماموستایل مووسیقی کوردی ک دە بەغدا نیشتەجی بینە. دۆمای ئەوە زیرەک دە دەمنێشت ماموستا عەلیمەردان و بڕێ تر، دە رادیان کوردی بەغدا دەس‌کردگە وە گووڕانی چڕین.
زیرەک مەینەت‌بار و جەورکیش، دە دۆمادەمەیل عمر خوەێ، دە ژاری و هەژاری، دۆمای تووش سنان هاتن دمرێ و ئێسە‌یش قەورەگەی ها دە قەورسانێ دە زێد باوانی خوەێ، شار بووکان.