شەفەق نیوز/ ئەکتەر ئەمریکی رۆن ئیلی، کە وە بازیکردن کەسایەتی تەرەزان لە زنجیرەیگ لە گشت جەهان نمایش کریا، لە تەمەن ٨٦ ساڵە گیانی لەدەسدا.
کیرستن ئیلی دویەتی، لەبان سۆشیال میدیا دویای یەک مانگ لە مردنی لە ٢٩ سیپتەمبەر لە سانتا باربرا لە کالیفۆڕنیا نویسان: جەهان یەکیگ لە مەزنترین پیاو کە من ناسم لەدەسدا.
رۆڵ ئیلی لە زنجیرەی هۆڵیوودی تەرەزان کە لە شەسەیل سەدەی بیس نمایش کریا، جویر چاپیگ نوو بوی لەو پاڵەوانە کە خوازێد ئەرا دارستان گلەو بخوەێد.
وینەی (تەرەزان) وەگەرد ئەو شامپانزیە لەناو هویرمان مەردم مەنیەسەو، لە گرتەی دیاریگ لەو زنجیرە.
لە مەوقەی بازیکردن کەسایەتی تەرەزان، رۆن جویرەیل پەهلەوانی کردیاد، جاروبار زەخمدار بویاد، و جاریگیش کەفتە قەپ شیریگ.
دویای تەواوبوین دوو وەرز لە زنجیرە تەرەزان، رۆن وەردەوام بوی لە ئەکتەری، لە کارەیلیگ تەلەڤزیۆنی لەناو نەوەتەیل سەدەی بیس، و دوو ڕوومان پولیسی نویسان.