شه‌فه‌ق نیوز - ده دانیشتنه‌وه‌ی ئه‌نجومه‌ن ئه‌ده‌بی بانه، ئیجاره بێ‌ژه شێعر و ده‌ق و داستان خوه‌نستن، ده بان چوارمین ژماره‌ی گۆڤار "مە‌جە‌لە/جە‌ریدە" وە نام "لە داوێنێ ئاربەبا" ک هن ئەجومەن خوەیە، سەرنویسە‌رەی کاک "ک.د.ئازاد"ە، باس کریا.
دە ئی ژمارە چەن لاپەڕە، وە شرۆفەی ژێرەوە، دە بارەی کوردی فەیلییە.
-وتارێ لە ماموستا کامران رەحیمی، موحەقق و رخنە‌گەر ئیلامی. ده چه‌ن لاپه‌ڕه.
-شێعرێ وە زاراوە‌ی کوردی فەیلی، بنزار خوارین ئی زاراوە ک وە نام کوردی "کوردەلی" ئێڵ کورد پەهڵە، نام دە‌‌ر کردگە. ده یه‌ک په‌ڔه.
شاعرەگه‌ی ماموستا "نەبی ئەحمەدی" لە ئاونۆ "ئاودان/آبدانان"ه.
-ده چه‌ن لاپه‌ڕه‌ی تر، وتووێژێ وه‌رد خاتوون هناس فه‌یلی "به‌توول مه‌نسووری‌جوو"، هونه‌رمه‌ند ئیلامی، دانیشتگ تێهران، هاتگە.
ئی وتاره، هه وه‌وچوونه ک ده سه‌رچاوه‌ییش نووسانگه، له ماڵپه‌ڕ "سایت" شه‌فه‌ق خوه‌مان، ئه‌ڵگیریاگه.
ئیوه دتوانن فایل ئلکترونیکیه‌گه‌ی ئی ژماره ده سایت شه‌فه‌ق ببینن.
ده‌س کاک ئازاد و ئه‌نجومه‌ن ئه‌ده‌بی بانه، خوه‌ش.
خووە بزانن ک:
ئی ئه‌نجومه‌نه ده ساڵ 1368، وه ده‌س و خیره‌ت کاک ئازاد و بڕێ تر، بنه‌ڕای نریاگه‌و هه له‌و ساڵه تا ئێسه، هه‌ر سێ‌شه‌مانه، دەم ئە‌و ئێواران، ده ماڵگه‌ی فه‌ر‌هه‌نگ ک هن ئرشاد بانه‌سە بە‌رگوزار دکرێ، ئی شوونە، خوەی بییەسە جیگایێ ئه‌ڕا یه ک شاعره‌یل و نویسه‌ره‌یل کورد، دانیشنه ده‌منێشت یه‌کتری و به‌رهه‌مه‌یل خوه‌یان بخوه‌نن.
ئی دمادماییشه لە لایەن ئی ئه‌نجومه‌نه، گۆڤار ئلکترونیکی"لە داوێن ئاربەبا" ک وە گشت زاراوە و بنزارەیل زوان کوردی شێعر و چیرۆک و دەق چاپ دکەێ، پەسا دەراێگە ده‌ر.