شەفەق‌نیوز/ ئەڵبژریاگەێلەێ دۆمابەش دە فستیواڵ فیلم و وێنە و فیلمنامەێ "لاو/ نمام" دیارییەو کریان.
دۆماێ یە ک بنکەێ فیلمسازی "لاوان فیلم موکریان" وە بەرپرسی "ئبراهم سەعیدی" کارگەردان نامدار مەهابادی، بانگەچڕ کرد ئەڕا بەشداری دە بەشەێل فیلم و فیلمنامە و عەکس، نەوەد و دو کوڵەفیلم کل کریان ئەڕا دەبیرخانەێ جەژنوارەگە.
جەرخەێ داوەرەێلە‌ێ ئی دەورە لە نام‌بەێن ئەو هەمگە فیلمە ک کل کریان، چواردە فیلم دیارییەو کرد ئەڕا دۆماداوەرییەگە. ئی فیلمەێلە ئەیانە بین: "ئامین" لە گوڵاڵەێ ستاوەند، "ئاشیق هاراێ" لە عەلیقبچاق‌ئەز، "کوڕ"لە سامان حوسەێن‌پوور، "دۆماجەژنەگە" لە نەوید زارع، "چەمەدان" لە ئاکۆ زەندکەریمی، "رابردوو" لە سدیق رووزنەوەرد، "هەفتم تاقەگە" لە سالار جەوانمەردی و ئاگری سوڵتانی، "کەێک شەش ساڵانی" لە راستین زارعی، "مێهر داڵگی" لە سووسەن ئجڵاڵی، "موو" نووسریاگەێبێهنام دەرویش‌پوور، "بزمار" لە ئومید نیکروو، "نامەێلەگە" نووسریاگەێ زانیار موحەمەدی‌نیکوو، "واتاب"نووسریاگەێ لەیلا ئسکەندەریان.
چەن گلە لە ماموستاێل و فیلمنامە‌نویسەێل دیاری ئێرانی، داوەری هماڵدارەکییەێلەێ ئی دەورە گرتنە مل.