شەفەق نیوز- ئەنجومەن فەرهەنگی ئەدەبی ئاوات، ک لقێگە لە کتاوخانەی سەقز، دە دۆمانیشتنەوەی خوەێ، دەستوور تازەیێگ ئەڕا خوەێ دیاری کرد.
ئی ئەنجومەنە ک وە نام شاعر گەورای سەقزی (سەی کامیل ئێمامی زەنبیلی) ک (ئاوات) لانام شاعری ئەوییە، تەوەڕک کریاگە و وە هان و هێمەت بڕێ لە شاعرەیل سەقزی دیرێ سەرە وەرە دبێ.
ئی کوڵەێ ئەدەبییە، بێ‌ژە شێعر و چیرۆک کوردی و کارەیل خوەێ، کارێ تریش گرتگەسە مل ک بنەجووری و کوو کردن و نووسانن میژوو ئەدەبی شار گەور سەقز و ناسنامەدار کردنێیە.
هەژان بابامیری، شاعر سەقزی ک دەبیری ئی ئەنجومەنە گرتگەسە مل دە ئی بارە وت: یە راسە و خاسە ک ئەنجومەنەیل شێعر، دە ژانرەیل جوور ئەو جوور ئەدەبی، خاس کار بکەن، باوجی ئیمە دە کەش ئی کار خوەمانە دخوازیمن ک ئەو دابڕیانە ک ئێسە کەفتگەسە نامەین شێعر ئی سەردەمە وەرد ئەوسای شێعر کوردی پڕەو بکەیمن ئوو ئەڕا یە ک بتوانیمن دەین و دەێیەتێ ک میژوو ئەدەبی کورد، دە ملمان دیرێ ئەدا بکەیمن، دە سەرانی کارەیلەمان، نایمنەسە مل خوەمان ک میژوو ئەدەبیات سەقز کووەو بکەیمن تا ئەڕا بانان بمینێگەێ.
ئەوی دە دۆماقسەی خوەێ بانگەواز گشتێ کرد ک هەر کەس دتوانێ دە ئی رێییە هانا و کومەکێ بکەێ، دەرێخی وەێ ئەنجومەنە نەکەێ.