نوژین محمد خانمە سەرپەرشتیار گرووپ "کیژانی سلێمانی" ئەرا ئاژانس شەفەق نیوز وت: گرووپ "کیژانی سلێمانی" وە ئیواران گورانی جیاوازیگ گلەو خوارد، دویای وسیانیگ ک زیاتر لە دوو ساڵ وەپی چگ، لەوەر بڕیگ هوکار.

نوژین خان وتیش: شەش گورانی لە فلکلۆر کوردەواری لەناو ئاهەنگەگە پیشکەش کریا، وەگەرد مۆسیقای فۆلکلۆری وەلایەن ئەندامەیل تپبەگە لەناو ئامادەبوین فرەیگ.

وتیش: ئیرنگە کەشوهەوای سیاسی و ئەمنی و ئابووری لە سلێمانی خاس نیيە، ئەراوە  وتیمن گرنگە بڕیگ لەو گورانیەیلە پیشکەش بکەیمنە جەماوەر، لەوانەگ خوەشیان تیەێد لە تیپ "کیژانی سلێمانی" گووش بگرن.

لە هوکارەیل وسیان چالاکی تیپەگە، نوژین وت: هوکارەیل فرەیگ هانە پشت وسیان کارمان، وەلێ لەگشتی گرنگتر لایەن دارایی بوی، باوجی لە بانان تەقەلا دەیمن کارەیل هونەری نوویگ وە جەماوەر پیشکەش بکەیمن 

تیپ "کیژانی سلێمانی" لە ساڵ ٢٠٠٣ وەدەس هونەرمەن ئەنوەر قەرەداغی دامەزریا، و بڕیگ ئاهەنگ هونەری لە فرەی ناوچەیل هەرێم کوردستان پیشکەش کرد، و ئەرا زانیاری ئەو خانمەیلە لەناو تیپەگە گورانی و مۆسیقاژەنین وەیەکەو پیشکەش کەن.