شەفەق نیوز- ئی رووژەیلە دە شەواچەیل مەجازی هەواڵ و وێنە وێنەیلێ دنرێ ک دڵ و سەرتەزنن.
بڕێ لە ئەوانە هن زاڕوومەدرەسەیلێگن ک هانە شارهیل بووچگ یا ئاواییەیل و نت نەدیرن و ئەڕا دەرس خوەنین، کوتە ک بچنە بانبڵنیێ تا موبایلەیلەیان نتدارەو ببێ و بتوانن دەرس ئەوبگرن.
چەن وەخت پێش وێنەیێگ لە مناڵمەزنەیل دەر گومگ پیرمامەی مەڵکشای دە ئیلام بڵاو کریا، ئیجارەیش وێنەییێگ لە بڕێ زاڕوو ک چگنەسە بان چگا، تا نت بکەنە دی و ئاگراوێ کردنە و پەسا دەرس دخوەنن، ئەو بەسەزوانەیلە هن ئۆستان خوراسان خوارینن.
هەر چەن دە ئێران، لە دە ساڵ پێشەوە، بڕیارنامەی دریاگە ک شان وە شان دەوڵەت، (دەوڵەت ئلکترونیک) بیاێگە دی، باوجی دە ئی قەیڕان کورونا کەفتە دەر ک دۆمای ئەو هەمگە کارە ک کریاگە هێمان ک هێمانە، دوەڵەت ئێران لە ئلکترونیکییەو بیین، فرە دوور ماگە.