جیهانی لە دیداریگ وەرد ئاژانس شەفەق نیوز وت: ڕێوڕەسم کۆتایی ٥٨ەمین خول فێستیڤاڵ ناودەوڵەتی فیلم کارلۆڤی ڤاری لە هۆتێل گەرمی لە شار کارلۆڤی ڤاری لە کۆمار چیک وەڕیەو چگ، کە لەو ماوە بردەوەیل بەش پێشبڕکێی سەرەکی “تووپ بلوری” و. بەش پێشبڕکێەیل (پرۆکسیما) ڕاگەیەنیا و خەڵات تووپ بلوری و خەڵات کاش وەپیان بەخشیا لەی بوون گرنگە و فێستیڤاڵ فیلم ناودەوڵەتی پیشکەفتگە.  

  جیهانى ئاشکرا کرد کە ئەندامەیل دەسەی ناوجیکردن لە بەش سەرەکی “تووپ بلوری” لەی دانیشتنە فێستیڤاڵەگە بریتین لە بەرهەمهێنەر ئەمریکی کریستیان فاجۆن، ئەکتەر ئوسترالی جیۆفری ڕاش، سیناریۆنویس و نویسەر ئایسلەندی سیجۆن، ئەکتەر چیکی ئێلێشکا کرنیکۆڤا، دەرهێنەر هەنگاری گابۆر ڕێیس، و سیناریۆنویس و ئاوازدانەر هەنگاری.

جیهان وتیش: خەڵات گەورە ئەرا فیلم بەڵگەنامەیی "A Peek into Deep Things" بویە، کە دەرهێنەر سکۆتلەندی-ئیرلەندی مارک کازین بویە و خەڵات تووپ بلوری وەرد ٢٥ هەزار دۆلار وەرگرد. 

 دیاری کرد کە خەڵات تایبەتی دەسەی قەسەمخواردن دریا وە فیلم سینەمایی “عەشق” ئەرا دەرهێنەر لیلیا ئینکولفسدۆتیر و بەرهەمهلوردن لەلایەن نەرویجەو، وەگەرد ١٥ هەزار دۆلار.

 لەباوەت خەڵات خاسترین دەرھێنەر، ئەو خەڵاتە لەلایەن دەرھێنەر نێلیسیا لوگنەو ئەرا فیلم “دۆکیۆمێنت” کە بەرهەمیگ ھاوبەشی سەنگافورە و تایوان و پۆڵەنداس. 

  خەڵات خاسترین ئەکتەر، خەڵاتەگە لەلایەن خانمە ئەکتەر هێلگا گۆرێنەو ئەرا ڕۆڵی لە فیلم دووسی، کە لە وڵات نەرویج بەرهەم هاوریاس، خەڵات باشترین ئەکتەر، خەڵاتەگە بە یەکسانی لەلایەن تۆن کاس و گویدۆ بۆلێماسەو ئەرا ڕۆڵ ئەوان لە فیلمەگە بردنەو سێ ڕۆژ ماسی کە بەرهەمیگ هاوبەشی هۆڵەندا و بەلجیکاس.