دۆتمیر نازێ وە ماڵپه‌ڕ (رووداو) وتگە "له‌شوون بڵاوه‌وكردن یەكەمین گورانی خوه‌م وەناو نەورووز، هویر لەوە كرديمنەو ئەلبوومێگ گورانی ئامادە بكەیمن و بڵاویه‌و بكەیمنەو، وه‌يخاترە ئيسه خەریك توماركردن میوزیك گورانییەگان ئەو ئەلبوومەیمنه و تەواو بويە تەنیا دەنگم مه‌نگە بخەمەی بان ميوزيكه‌گه، وه‌لی شايه‌د لە كوردستان دەنگ تومار بكەم".
دۆتمیر ئاماژە وەوە كرد لە ئەلبوومەگەی جێ گشت بەشەیل گورانی له‌تێ كرياگەسەو، جوور گورانی نیشتمانی و دڵداری و شاد، وه‌يخاترە ئويشێ "ئەلبوومەگەم ئه‌ڕا گشت تەمەنەيل گونجێ".
ا. ج