شه‌فه‌ق نيوز/ دويه‌تيگ كورد لە شار كەركوك، تويه‌نست موڵه‌ت شۆفێرى ئه‌را رانين سه‌ياره‌ى گه‌وراى بارهه‌ڵگر وه‌ده‌س بارێد، ك يه‌يش يه‌كه‌م كه‌سه له ئافره‌ت له‌بان ئاست عراق ك بتويه‌نێد ئه‌و موڵه‌ته وه‌ربگرێد.
له‌و باوه‌ته‌و، وه‌ڕيه‌وبه‌رايه‌تى هاتوچوو كه‌ركوك وت: شه‌يدا عه‌بدولمه‌جيد بابه شێخ، يه‌كه‌م دويه‌ته كورده موڵه‌ت شۆفێرى جوور(ج) له وه‌ڕيه‌وبه‌رايه‌تى هاتوچوو پاريزگاگه وه‌ربگرێد و گشت تاقيكردنيگ وه سه‌ركه‌فتگى ئه‌نجام داگه وه سه‌ياره‌يگ بارهه‌ڵگرى جوور ترێله وه باريگ 46 ته‌نييه‌وه
جى باسه، وه‌ڕيه‌وبه‌رايه‌تى هاتوچوو كه‌ركوك, وێنه‌ى موڵه‌ت شۆفێريه‌گه‌يشى بڵاو كردگه‌و له به‌ياننامه‌يگيش داوا له ژنه‌يل شاره‌گه كردگه چه‌و له‌و دويه‌ته كورد بكه‌ن و هه‌وڵ بيه‌ن جوور ئه‌و بوون.
