شەفەق نیوز/ زانای فیزیای فەڕەنسی-کەنەدی هوبێرت ڕیڤز کە وە پەرەپیدان زانست چوڵایی ئاسمان وەناوبانگ بوی، لە تەمەن ٩١ ساڵی کووچ دویایی کرد.

کوڕەگەی، بینۆیت ڕیڤز، لە تووڕ کۆمەڵایەتی فەیسبووک نویسان: وە خەفەت فرەیگ کە خیزانەگەم هاوبەشی کردیە، مردن باوگ ئازیزمان راگەینم، کە پەیوەندی وە ئەسارەیل کردیە.

ریڤز کە لە پاریس کووچ دویایی کرد، چیرووکنویسیگ میژوو گەردوون بوی، کە خوەشهاتن ئەو لە ژیان نشان داد، هەرلیوا یەکیگ بوی لە دیارترین وەرگرییەیل لە هەسارەی زەوی.

فرانسوا لیگۆڵت، سەرۆک وەزیرەیل کیبیک راگەیان: کیبیک ئمڕوو فیزیای ئەسارەیگ ناودیار لەدەسدا.، هوبێرت فامست کە چوین وشەیلی هەڵوژنێد، تا دەسمیەتیمان بەێد لە مرۆڤایەتی و بیکۆتایی بڕسیمنەو.  "رووژەگە چوودە ری، هەکاتی  تووز ئەسارەیل."

 هوبێرت ریڤز لە ١٣ی تەمموز ١٩٣٢ لە شار مۆنتریال لەداڵگبویە، و دیارییگ داشتیە کە دیاردە فیزیاییە فرە ئاڵۆزەیل کەێدە چشتیگ فامستن ئەرا "گشت ئەوانەگ سەرسامن وە جەهان".

 لە ماوەی شەسەیل، پەیوەندی وە ناسا کردیە، ئیجا لە بەلجیکا وانە وتیە وەرجە چگنی ئەرا فەرەنسا، لەورا بویە وەڕێوەبەر توێژینەوە لە سەنتەر زانستی نیشتمانی (CNRS) و ڕاوێژکار کۆمیسیۆن وزەی ئەتۆمی (CEA).