شه‌فه‌ق نيوز/ هه‌ر له ئمڕووه‌و تا ماوه‌ى 40 رووژ تر ده‌س ئه‌كريه‌ێده دابه‌شكردن پايسكيل له‌بان هه‌ر مناڵيگ هه‌ڵبسێد ئه‌را نماز شه‌وه‌كيان له مزگفت ئه‌لسوڵتان ياووز سه‌ليم له ناوچه‌ى ئه‌لفاتح له ئه‌سته‌مبوڵ.
دابه‌شكردن پايسكيل له چوارچيوه‌ى هه‌ڵمه‌ت تازه‌يگه ئه‌را ئه‌وه‌گ هان مناڵه‌يل بدريه‌ێد روى له خوداپه‌رسى بكه‌ن و ئى ده‌سپيشخه‌رييشه جوور ئه‌وه‌گ ماڵپه‌ڕه‌يل توركى ئاماژه وه‌پى كردنه له حزب داد و گه‌شه‌وه‌پيداين ئه‌نجام گرتگه.
جى باسه، ده‌زگاى فه‌تواداين له مانگ فبرايه‌ر گوزه‌يشتيش له ولايه‌ت سيرت له باشوور خوه‌رهه‌ڵات توركيا 80 پايسكيل له‌بان مێردمناڵه‌يل دابه‌شكرد ك ته‌مه‌نيان له‌ناونى 7 تا 17 ساڵان بويه.