شەفەق نیوز/ کوریگ ١٠ ساڵ تۊش بیماریگ دەگمەن بۊیە ک لێوا وەپی کەێد هەمیشە  ورسگی بوود و  هۊچ تێر نەخوەێد. 

ماڵپەر " ئۆدیتی سێنتراڵ" لە هەواڵیگ باس کوڕیگ تەمەن ١٠ ساڵان کەێد وەناو "دەیڤد"  خەڵک سەنگاپورا  تۊش باریگ تەندروسی بۊیە وەناو " Prader-Willi Syndrome"، ک ژیان لەلی تاڵ کردیە. 

ئی بیماریلە لێوا وەی مناڵە کردیە ک هرچەن نان بخوەێد تێر نەود، بیماریەگە Prader-Willi Syndrome وەپی ئۊشرێد، ک نێلێد کەسەگە هەس وە تێری بکەێد و وە ک هووکارەگەی لەدەسدان کار بڕیگ لە  بۆماوەییە لە بەش کۆرمۆسۆم ١٥  و بیماریەگە چارەسەر نەیرێد. 

داڵگ و باوگ دەیڤد ژیانیان فرە  سەختە چۊنکە بایەت کۆنترۆڵ کێشی بکەن، لەوەر یە ژوور ئاشپەزخانەگە وە کلیل بەسانە، خشتەیگ تایبەت ئەرای دروس کردنە تا بزانێد کەی مەوقەی ئاش خواردنە.  

هەرچەن ئەو بیمارە چارەسەر نەیرێد، باوجی پزیشکەیلە تۊنن وە وەکارهاوردن هۆرمۆن و بڕیگ دەرمان نیشانەیلی کەمەوبکەن.