شەفەق نیوز/ ئامەندین بوتی، ک نوێنەر ناوچەی نۆڕماندی فەڕەنسا بوی، لە نازناو شاجوان فەڕەنسا ئەرا ساڵ ٢٠٢١ سەرکەفت، ک دوێەتە جوانەگە لە تەمەن ٢٣ ساڵانە لە ئاهەنگ رووژ شەممە پەسەن کریا، و رێککەفت وەگەرد رەدبوین ١٠٠ ساڵ لە دەسکردن وە پێشبڕکیەگە.
ئامەندین ئامادەیی ئەرا وەرگردن پلەی ماستەر لە زانکۆی کاین لە باکوور خوەرئاوای فەڕەنسا کەێد، لە پسپۆڕی وەڕێوبردن دامەزراوە تەندروسیەگان.
ئامەندین لەناو ٢٩ کاندید تەمەنەیلیان هالە ناونی ١٨ و ٢٤ ساڵان پەسەن کریا، وەگورەی رۆژنامەی لۆ فیگاڕوی فەڕەنسی.
شاجوانەگە لە کۆنگرەیگ رۆژنامەوانی وت: ئەوەسا تەقەلای ئاڵشتکردن وێنەی ژن لە کۆمەڵگاگان کەێد و هێزەگەی نشان بیەێد، و تواناگەی لە هەر کاریگ.
و لەوەر ریکارە تەندروسیەگان ڤایڕۆس کۆڕۆنا، ئاهەنگ پەسەنکردن شاجوانەگەی فەڕەنسا وەبی جەماوەر لە تەلەفزیۆن پەخش کریا.