تەلەسکۆپ "Daniel K. Inouye Solar" چەودیاری ئەو وینەیل نووە کرد ک روی خوەر وە هویردییگ "باوەڕ نەکریاگ" نشان دەن، جویر ئەوەگ رووژنامەی "دەیلی مەیل" بەریتانی باسی کەێد.

لە یەکیگ لە وینەیل ئەو تەلەسکۆپە ک کەفێدە دوورگەی ماوی لە هاوای، شیوەیگ پڕ لە نهێنی وەگەرد بڕیگ پەڵەی خوەر دەرکەفێد، ک قەوارەی زەوی گەورە کەن، وەگورەی دەزگای زانستی نیشتمانی ئەمریکا ( NSF).

شارەزایل باس کەن ک توانای ناوازەی تەلەسکۆپەگە ئەرا گردن زانیاری وە هویردییگ دەسمیەتی زانایایل خوەر دەێد تا خاستر لە شیوەی موگناتیسی خوەر و جویلەکەر زریانی خوەر بفامن.

وینەیل نوو شیوەیل پەڵەی خوەر و ناوچە بیدەنگەیل خوەریان هاناوی ک وە ئامێر Visible-Broadband) Imager (VBI) وەدەس هاتگە، ک یەکیگە لە ئامێرەیل نەوەی یەکەم تەلەسکۆپەگە.

ئەو پەڵە خوەرەیلە ک وینە گریانە، ناوچەیەگ تیەریک و هوونکە لەبان روی خوەر، ک وە فۆتۆسفێر ناسریانە، ک کێڵگە موگناتیسییە هازدارەیل هانە ناویان. 

وەگەرد وەردەوامبوین تەلەسکۆپەگە لە گەردین وەشوین خوەر، پەیاکردن زیاتر لەلایەن کۆمەڵگەی زانستیی بوود، لەوانە دیمەنە سەسڕکەرەیل کاریگەرترین تەنەیل ئاسمانی لە کۆمەڵەی خوەرە.

وە قسەی پسپۆڕەیل؛ پەڵەی خوەر لە قەوارە جیاوازە، وەلێ فرەیان وەگورەی قەوارەی زەویین، ئەگەر گەورەتریش نەوون، هەرلیوا پەڵەی خوەر ئاڵووز یا بڕیگ پەڵەی خوەر توەنن بوونە سەرچەوەی تەقینەوە جویر  پەراشە و دەرخستن بڵویزەی تاجەیی ک زریان خوەر دروس کەن.