شەفەق نیوز/ لە بەغداد شەو گوزەیشتە ڕێوڕەسم هەڵبژاردن شاجوان عراق، ماریا فەرهاد ک دوێەتیگ کریستیانی خەڵکی پارێزگای نەینەواس و خەڵک شارۆچکەی عەینکاوەس لە  نزیک هەولێر، نازناوەگەی خریا نوا.

ئەو پێشبڕکییە ک سەرۆک تیمی هەڵبژاردن هەڵکەوت زاهیری هونەرمەنی کورد بوی، ١٧ دوێەت لەسەر خەڵاتەگە دەکرد.

لە پێشبڕکیەگە، ماریا فەرهادی خەڵک پارێزگای نەینەوا نازناو شاجوان عراقی ئەرا ساڵ ٢٠٢١  پەسەن کریا  ک کریستیانەو لە بنەڕەی دانیشوو دەیشتی نەینەواس و ئیسە لە عەینکاوە جیگرە، ئی خاتوونە چەن کاریگ میدیایش کردگە. هەریەک لە سیما جاف و زینە یوسف بوینە هاوەڵ یەکەم و دوویەم شاجوان.