شەفەق نیوز/ وەگەرد هاتن وەرز سەرما پەتا و هەڵامات فرەوبوود و بڕیگ لە مەردم ئەرا چارەسەرکردن بیماریەگەیان هەوەجە بەن ئەرا چارەسەر گیادەرمانیەیل، لەهەرە باوترن ئەو چارەسەر سروشتیەیلە زەنجەبیلە ک توەنریەێد وەی چەن شیوە سوود لەلی وەربگیریەێد:
- زەنجەفیل و هەنگوێن وەگەرد یەک توەنریەێد چارەسەریگ بوود ئەرا قورگ ژان، ئەگەر هەس وە تویشهاتن وە هەڵامەت کردێ چای زەنجەبیل چارەسەر زوییگە.
- توەنریەێد زەنجەبیل وەگەرد ئاو لیموو و هەنگوین ئامادەبکریەێد و بنوشریەێد.
- توەنریەێد پیاڵەیگ ئاو وەگەرد سێ کەمچگ زەنجەبی تێکەڵا بکریەێد لە دویایش ئاو لیموو و هەنگوین ئەرای زیادبکریەێد و بنووشیەێد.