شەفەق نیوز/ مەراسیم ئاڵشتکردن شوین مۆمیایل ٢٢ پاتشا و شاژن فرعەونی لە مۆزەخانەی میسر لە مانگ گوزەیشتە، نشان مۆمیای یەکیگ لە شاژنەیل دا ک بویە جی باسکردن میدیایل.
بڵاوکردن وێنەیل لەش مۆمیای شاژنیگ وە گیس فرە پڕ و دریژیگ بویە سەرقاڵ دوێەت و ژنەیل وڵات میسر تا بزانن نهێنی ئەو گیسە ک ئەرا هەزاران ساڵ مەنیەسەو چەیگە.
دکتۆر موختار کەسبانی ئەندام دەسەی موزەخانەی میسر نشان دەێد ک کارەیل فرەیگ ئەرا موی گیس ئەو مۆمیا کریاگە، چوینکە ئەو شاژنە پایەی بەرزیگ داشتگە، و وتیش؛ گیس لەو بەشەیلەسە ک وەئاسانی خراو نێەوود، و ئەو چشتەیلە ک ئەرا ئەو مۆمبای شاژنە کریاگە زیاتر مقەیەتی گیسی کردگە.
وتیش؛ گیس شاژن تی سیا بویە و ئیجا رەنگەگەی کریاسە سوور، ئەوەیش لەوەر ئەو دەرمانەیلە ک وەکاری خواردنەوە رەنگەگەی لە سیا کردگەسە سوور.
دکتۆر ئەحمەد بەدران مامووستای شوێنەوار لە زانکۆی قاهیرە باس کەێد ک دوگ مانگا و روین سنەوبەر و چەن جوریگ لە روین سروشتی وەکار هاوریاگە و ئەرا هەزاران ساڵ مقەیەتی گیسی کردگە.