ئەو خەوەرەیلە کاریگەری لەبان گشت کەسیگ لە جەهان دیرێد، و مناڵەیل هەمیشە نووڕنە باوگ و داڵگیان، تا لە بیوەیی دڵنیا بوون.
چوینکە مناڵ هیمان لەڕوی دەروینی و کۆمەڵایەتی و زانستی و ویژدانی نەڕەسیە، ئەراوە خەوەرە بەد و ناخوەشەیل کاریگەری رخبەریگ لەبانیان دروس کەێد، ک هاتێ باوەڕیان بڕمنێد، و کەمکەم ئەوانیش بوونە کەسەیلیگ تونەڕەو، و بڕوایان وە هویچ نیەمینێد.
شایەت ئەو مناڵە ک کەفێدە شوین خەوەرەیل جەنگ بوودە قوربانی رخ فرەیگ و شەوە ئەرای باێد، ک ئەو رخ و شەوە وینەیلیگ فرە رخبەرتر لە تەلەفزیۆن و مۆبایل وەپی نشان بەێد.
لەی باوەتە؛ پسپۆڕەیل تەمەی هویرکردن وە مناڵەیل کەن، ک لەی وەختەیل سەختە بایەتە دڵنیایان بکریەێد، و بایەتە بزانن ک هەسکردن وە رخ کاریگ سرووشتیە.
هەمیش تەمەی ئەوە کەن، ک نەیلن مناڵەیل بنووڕنە ئەو خەوەرەیل ناخوەشە، و ئەگەریش لەلی ئاگادار بوین، بایەتە وەشیوەیگ ئەرایان ئاسانەو بکریەێد.