ئەو داڵە نزیکەی پەنج مانگ وە دەورگرد ئیسکی شەهیر گەردی، و هەناێ لە مانگ ئەیلوول کەشوهەوا سەردەو بوی، دەسکردە کووچکردن وەرەو باشوور، ک میداس لە 17ی ئەیلوول 2022 رەسیە ئەسکەندەرۆنە، ئیجا سوریا، و ئوردن، و فەلەستین، و میسر.

لە میسر چگە کەناڵ سویس، و وەماوەی 5 رووژ رەسیە لیبیا، ئمجا چاد، و لە 26 ئەیلوول رەسیە چاد، و تا 3ی تەشرین دویەم لەورا مەن، ئیجا چگە سودان.

دویای 7 رووژ، میداس لە شار کادوقلی پایتەخت ویلایەت باشوور کردڤان لیز گرد، ئیجا رەسیە باشوور سودان، و گەردیە ناوچەیلیگ لەورا.

میداس تا 5.5 مانگ لە باشوور سودان داکاسیا، ئیجا بان گردەوەر، و دەسکردە گلەوخواردن.

میداس هەناێ لە ئوردن و بیاوانەیل میسر رەد بوی و رەسیە کەناڵ سویس، وەبان خود ریەگە گلەو خوارد، تا لە 3ی نیسان ئمساڵ رەسیە ناو تورکیا.

میداس هاتیەسە تورکیا تا تاوسانەگە لەناوی بوەێدە سەر، وەسێ رووژ خوەی رەسانە ئیسکی شەهیر، ئەو شوینە ک لەلی دەرچگ.

لەی گەردینە، میداس وە بەرزترین ئاست باڵگرد، هەناێ وەناوبەین ویلایەت مەرسین و ئەدەنە رەد بوی، ک وەبەرزی 7.436 باڵ گرد، و تونترین باڵگردنی وە نزیکەی 126 كم/ ساعەت بوی، و درویژترین باڵگردن بیهوچان میداس لەناوبەین تورکیا و سوریا بوی، وە 117 کێلومەتر.