كوڵەچیرووک

ئویشێد: بڕیگ مێز لەناو چێشتخانەگە بوی کەسیگ لەلایان نییە، و مێزیگ بویچگ بوی دوو دەزویریان لەکناری نیشتوین،  تەنیا دوو قاو و دوو قوتی نووشەمەنی لەوەردەمیان بوی.

 وەرد خوەمەو پرسیار کردیام، ئایا ئی خواردن سادە شیوەیگ رۆمانتیکی وەی دوو دەزویرانە دەێد، و ئایا دویەتەگە چوین رازی بویە وە قرتنی ئی کوڕە؟.

لەو ناوە بڕیگ ژن کەیوانوو نیشتوین، و ئیمەیش ورسگمان بوی، ئەراوە داوای خواردن فرەیگ کردیمن.

 ئاش و خوەراک هات، و ئیمەیش دەسکردیمنە خواردن تا تیر خواردیمن، و بەش فرەیگیش لەبان مێزەگەمەن، کە وەپیمان نەکریا گشتی بخوەیمن، تا دی هەڵسیایمن تا بچیمنە ریەو.

هەگ جمە لەو شوینە کردیمن تا بچیمنە دەیشت، نووڕیمن کەیوانووەیل قسە وەرد خاوەن چێشتخانە کەن، و دەنگیگ ئەرامان هات کە: لە شوین خوەدان جویلە نەکەن، و فامستیمن کە یانە بیزار بوینە چوینکە خوەراک فرەیگ مەنیەسەو.

برادەرگەم وەپییان وت: خو ئیمە پویل خواردن خوەمان دایمنە، ئیوە چ کاریگ دیرین؟.

یەکیگ لەو ژنەیلە فرە تویڕە بوی، مۆبایل هەڵگرد و داوای کەسیگ کرد.

گریگ دویای ئەوە کابرایگ وە دڵنگ فەرمی هاتەو ناو، و وت ئەفسەرە لە دامەزراو بیمەی کۆمەڵایەتی، و ٥٠ €  لەبانمان نویسان، و ئیمەیش دەنگمان بڕیا، و 50 € دایمنە دەس کابرای ئەفسەر.

ئەو ئەفسەرە وەپیمان وت: داوای بڕ خواردنیگ بکەن کە وەپیدان بخوریەێد کە:

(پویل هن خوەدە وەلێ داهات هن گشتییە)