شەفەق نیوز/ ئاهەنگیگ لە وڵات هندستان لەی دویایی، زیڕە خستە ناو جەماوەریگ ک لە دەور وەیلکانیگ ئەفسانەیی گردەو بوینە.

ئەو رویداوە لە ویلایەت ئەوتار برادیش، مەوقەی ئاهەنگ جەماوەر فرەیگ وە ئاگرداین وەیلکانیگ بوی، ک ئەو وەیلکانە پەیکەر باسیگ ئەفسانەییە.

پۆلیس هندستان وت: دویای ئاگرداین وەیلکانەگە، پەراشەی ئاگر وەرەو جەماوەرەگە لەلی پەڕێد.

وەگورەی رووژنامەی "ئیندیان ئیکسپڕیس" هەرچەن جەماورەگە فرە بوی، و ئاگرەگە کەفتە ناویان، و مەردمەگە کەفتنە ژاوەژاو، باوجی کەسیگ تویش زەخمداری نەهات.

جی باسە، ک لە هەفتەی گوزەشتە، کاریگ ئیجویرە لە ویلایەت هاریانای هندستان رویدا، دویای کەفتن وەیلکانیگ وەئاگرەو وەنزیک جەماوەریگ، لە ئاهەنگ سەرکەفتن خێر لەبان شەڕ.