شەفەق نیوز/ وەیلکانیگ گەپ وەشیوەی مناڵ رخداریگ، زیڕە و تویڕە خستە ناو مەردم شاریگ بەریتانی، کە وتن؛ یە شەوەی راسیە و ئەرا زاڕووەیل نەپووڕیاس.

ئەو وەیلکانە "ليلی" کە درویژیی رەسێدە 8.5 متر، رەسیە ناوڕاس شار   روتشديل، جویر بەشیگ لە پڕۆژەی گاڵدان زاڕووەیل تا باس لە ئاڵشتبوین کەشوهەوا بکەن.

ئەنجومەن ئاگرەگە لە پۆستیگ لەبان "ئێكس" پیشوازی لەو وەیلکانە کرد، کە وت: بوودە میوانیگ تایبەتمەن لەناو فیستواڵ هونەرەیل ژینگە (وایڵد واندیرز) کە تەکبیر دیرێد لە مانگ ئایندە وەڕیەو بچوود.  

لە پۆستەگە مکیس شاگردەیل مەکتەوەیل کرد ئامادە بوون لەی هەفتە تا ئی وەیلکانە بوینن، تا رای خوەیان لە بانان ژینگەمان ئاشکرا بکەن.

 هەرلیوا، مەردم شارەگە ئی کارە وەدڵیان نەوی، کە فرەیان ناڕازی بوین کە ئەنجومەن شارەگە ئی وەیلکانە رخدارە هاوردگە، گوایە تا زاڕووەیل وە باوەتیگ جوانی گرنگ هووشیارەو بوون، و کەسەیلیگ ترەک وتن بە خەرجیگ زیایە.

وەلێ ئەنجومەن شارەگە وت: خەرج دروسکردن وەیلکانەگە لەلایەن ئەنجومەن هونەرەیل لە ئینگلتەرا، و دامەزریای خێرخوازی "گارفيڵد ويستون" دریاس.