شەفەق نیوز/ نویخان وە پێکهاتەی گرنگیگ لەلەش ئایەم دانریەێد و پێکهاتەی پتەویگ دیرێد، ومادەیل  پرۆتین وکریاتین وە دوو پێکهاتەی سەرەکی نویخانە، نویخان بیجگە لەوەگ جوانی تایوەتیگ بەخشێد، توەنریەێد وەڕیی دەسنیشان چەن بیمار یان کەم و کوڵیگ لە لەش بکریەێد.

دکتۆر توانا سەروەت پسپۆر بیماریەیل پووس لەباوەتەوە دەسنیشان چەن خاڵیگ کردیە:

1-نویخانیگ ناسۆ و زوی شکیەێد هوکاری کەم ئاو نوشین و کەمی ڤیتامین بایۆتینە.

2- نویخان نەرم و چاڵ (جویر کەمچک) لەوەر کەمی ئاسنە.

3- هەبووین کڕ وە  درویژایی نویخان نیشانەی پیریە.

4-هەبووین کڕەیلە وەپانی نویخان یا هویردە چاڵ هوکارەگەی کەفتنەوەر چشتیگ دەرەکیە نویخانەگەس.

5-زەردەوبوین نویخان لەوەر  کەمی (ڤیتامین ئی) یا  زوی زوی ڕەنگکردن نویخانە.

6- کەڕووی نویخان رەنگی سەوزو زەرد و چڵکن دەرکەفێد.

7- لەکەی چەرمگ نویخان لەوەر کەمی مادەی زینکە.

دکتۆر توانا دیاری بڕیگ لەو بیماریەیلەیش کردیە ک ئاڵشتکاری لە نویخان دروسکەن:

1- دروسبوین کەوان لە نویخان نیشانەی بیماری غودەس.

2- نویخان زەرد، هەوکردن لویلەی سویەگان(قەبات).

3- نویخان کەو، گرفت دڵ، سوڕ خوین یان سویە.

4- نویخان چەرمگ، بیماری جگەر.

5- نویخان سور تۆخ، زایایبوین خوێن، بیماری دڵ.