لوسی لێتبی تەمەن 33 ساڵ، لە یەکەی چەودیاریکردن هویرد لە خەسەخانەی کاونتس ئۆف چێستەر لە شار چێستەر لە باکوور خوەرئاوای ئینگلتەرا کار کەرد، داواکارەیل گشتی وە "سەرد، فێڵباز، دڕندە و دڵسەخت" باسی کردنە.

لە مانگ حوزەیران 2015 تا حوزەیران 2016، هەفت مناڵ وەرجەوەختە لەناکاو وەبی مدوو دیاریگ مردنە، بەشیگیان لە ماوەی چەن ساعەتیگ.  و دە مناڵ تریش نزیک بوی بمرن، بەڵام قورتار بوین.

حکومەت بەریتانیا فەرمان وازکردن لێکۆڵینەوەیگ سەروەخوەی دەرکرد، دویای سزادان پەرستار لوسی لێتبی، لە بەیاننامەیگ دەسنشان وەوە کرد کە ئی لێکۆڵینەوە خوازێد "شیوەی  کوشتنە دڵتەزنەگە و تەقەلای کوشتن کوورپە ئاشکرا بکەێد".

 ئی لێکۆڵینەوە دەسمیەتیدەرە ئەرا "دڵنیابوین لەوە کە خانەوادەیل ئەو جواوەیلە کە خوازن بکەفێدە دەسیان".

دویاتر سزاگە لەبان ئەو ژن گەنجە دیاری کریەێد کە ئویشێد وە بیتاوانم، مەوقەی تاوانەگە تەمەنی 25 ساڵ بویە کاتێک.

 ئەو توومەتبارە وە دەرزیکردن وا لە وەڕی خویبەرەو ئەرا کوورپەیل، وە وەکارهاوردن لویلەی لویت و گەیە ئەرا کلکردن وا، یا  شير زیايە کردیەسە ناو ناو گەیەیان.

جارەباریش، ئەو خانمە پەرستارە ئەنسۆلین زیایکردبە و لویلەی هەناسەدان مناڵیگ وەرجەوەختە کیشایە و لە خوەراک خستیەسە ناو لویلەگەۆ

دادوەر جەیمس گۆس وتیە:  پەرستارەگە تاکە ئەندام ستاف پزیشکی بویە کە لە مەوقەی خراوبوین ناکاوی تەندروسی کوورپەەیل وەرجەوەختە لە ئەرکەگەی مەنیەسەو، وەرجە ئەوەگ دەسەی قەسەمخواردنە 12 کەس لە 10ی تەمموز دەس وە گفتوگۆکردن بکەێد.

ئەو دویەتە چەن جاریگ وە تەقەلای کوشتن بڕیگ مناڵ توومەتبار کریاس، هەرلیوا 22 توومەت لەبانی توومار کریایە، هەفت توومەت کوشتن و 15 توومەت تەقەلای کوشت دە مناڵ.

 لەناو مناڵە قوربانییەیل لفانەیگ دووانی تەنانەت سێبانییش بوینە دووانیان لە ماوەی 24 ساعەت لە یەکترەو مردنە، دویای گلەوخواردن پەرستارەگە لە هوچانیگ لە مانگ حوزەیران 2016. سێیەمیان رزگار کریار دویای ئەوە کە داڵگ و باوگی رك بەسان تا بخەنەی خەسەخانەیگتر.