شەفەق نیوز/ نەوەد گلە لە چالاکەێل ئینترنت دنیا لە شرکەت ئەپڵ خواستن ک شوون ئسکەن چشتەێل کاربەرەێلە نەگرێ.
ئەپڵ وتگە لە یەو لاوە گشت پەیامەێل و فایلەێل چەن‌‌مدیایی دە نام نەرم‌ئەفزار ئای‌مەسەیج و خزمەتەێل ئای‌کڵەود، ئسکەن دکەێ وەێ دەسپێچگانە ک هەر چێ گەمووری و گەلووری کردن وەرد زاڕووەێلە بکرێگە دی.
ئەوان دە ئی نامەێ گشتییە وتنە: هەرچەن ئی هنە ئەڕا ویرداری لە زاڕووێلەێش خووە باوجی دە ئیجوورە کارەێلێ ئیجوورە وادەێلێ وەگیر نییە چوون ک دیمن وە سنگەێ نواگیری لە تروریسم، دەوڵەت ئامریکا وادەێلێ دا و دەس‌دۆماجار دش کرد وە نام فەزاێ مەجازی ئوو ئاخرسەر خوەێ حەریم شەخسی ئایمەێلە نا وە ژێر پا و خوەێ لەو ئتڵاعاتە جاسووسی کرد.
ئی چالاکەێلە وتنە؛ ئەڕا یەسە ک دە ئی کارە، گشت وێم و وڕ یە دیرن ک نەوا یەێش ببێگە دەسکەفتێ وە دەس ئەپڵ و دەوڵەتەێلە ئەڕا جاسووسی کردن لە وڵاتوەندەێلەگە.
خاسە بزانن ک "ناوەند دموکراسی و فەناوەری دە ئامریکا" رێبەری نواداری لە بەرنامەێلەێ ئەپڵ گرتگەسە مل.
شارۆن برادفورد فرانکلین، بەرپرس ئی ناوەندە دەێ بارەوە وتگە ک بەرنامەێلەێ ئەپڵ فرە وڕینە خستنەسە وڵات ئوو لەولاویش قسەکەر شرکەت ئەپڵ وتگە ک ئی قسەێلە دگرێگە وەر چەم و هیردەو دبێ ئەڵەێیان.