شەفەق نیوز/ لەماوەی فرە کەمیگ وەزیر دارایی وەرین ئەفغانستان، "خالید پایاندا" ژیانی ئاڵشت بۊ و لە وەڕێەوبەر دارایی وڵات ک سەپەرشتیار شەش ملیار دۆلار بۊ، بۊیەسە شۆفێر تەکسی لە ئەمەریکا و لە دو رووژ تەنیا ٩٥ دۆلار پەیا کەێد.
گۆڤار " واشنتن پۆست" ئەمەریکی، لە هەواڵیگ لە زوانی خالید ئۊشێد " ئەگەر لە رووژیگ ٥٠ رەسانن بکەم ئەوا ٩٥ دۆلار دەسم کەفێد." وەزیر ئابووری وەرین ئەفغانی، وەرجە تاڵیبان دەس بنەێد وەبان کابوڵ،
هەفت مانگ وەرجە ئیسە گەشت کرد ئەرا ئەمەریکا و ئیرنگە جۊر رانندەیگ تەکسی کار کەێد و ماشینەگەی لە جۊر هۆندا ئەکوردە.
لەوەخت رەسینی وە ئەمەریکا بۊە رانندەی تەکسی تایبەت ک وە "ئوبەر" ناسریاگە و لەوەر خێزانەگەی ئەی کارە پەسەن کردیە، و ئۊشێد ئیسە بیجگە ئیرا هۊچ شۊنیگ نییە ئەرای بچوود.