چۊ ئاسک نەۊم
ئانتونی ڕابینز، خاون بیر و باوەڕ و قسەکەر ناودار ئامریکایی، وە شرووڤە کردن ڕەفتار ئاسک لە وەراێوەر شێر لێوا ئۊشێ :
تون دەوین ئاسک 90 کیلومتر لە ساتێگە وەلێ تون دەوین شێر 57 کیلومتر لە ساتێگە، ئەنۊ چۊ ئاسک بوودە تامک یا ڕاو شێر ؟
،،ترس،، ئاسک لە ڕاو بۊن بایس بوو کە ئەڕا هەڵسەنگانن هەیمەێ خوەێ وەگەرد شێر گڕ یەجا ویر بکەێدە دۊا، و هە وەی خاترە دەوینێ سسا بوو تا ئەورەگ شێرە ڕەسێدە پێ.
لە حاڵێ کە ئەگەر ئاسک وە تون دەوین خوەێ باوەڕ بێاشتوو و گڕ یەجا ویر نەکەێدە دۊاوا ئێزن نێەێ ترس وە لێ سەر بکەفێ، هە ئەو جوورە کە شێر وە تەوانێ باوەڕ دیرێ، هۊچ وەخت نیەودە تامک(طعمە) شێر.
ڕابینز لەی چیرووک یا مەتەڵە ئاکامێ کە گرێ یەسە :
1ـ ئەگەر وە تەوانایی خوەمان لە ناو کار و کاسبی باوەڕ نێاشتۊم و هەیتاهەیت لە تووزیاین وە ڕەقیب زۊەڵەمان بچوو،
تەوانمان زەڕگ زەڕگ ئەوقەرە کەما بوو کە فرەی فرە زۊ وە ڕەقیبمان تووزیەیم و شکەس خوەیم
2ـ ئەگەر لە ناو وەڕێیا بردن کەسب و کارمان هەیتاهەیت هەڵەی ویەردەمان باریمە وەرچەوا و حسرەت دەرفەتەیل لە کیس چینمان بخوەیم ، هەم هاڵ هازرمان لە کیس دەیم هەمیش بانانمان .
هەڵگەردان سادق جەلیلیان