شەفەق نیوز/ لە رویداویگ سەر مەردم ئیکوادۆر سڕ کرد، کەسەیلیگ لەناو رسوومەیل ماڵئاوایی لە تەرم مردگیگ، دەنگ هەناسەی ژنیگ لەناو تابووتەگە ژنەفتن، وەگورەی قسەی کوڕ ژنەگە ک میدیایل راگەیانن وتن لە مردن گلەو خواردیە.
پارچە ڤیدیۆیگ لەبان تویتەر نشان دەێد ک بیلا مونتویل ژن ٧٦ ساڵە، هاناو تابووت وازیگ و دوو پیاو دەسمیەتیی دەن.
کوڕەگەی، خیلبرت بالبران وت: داڵگی وە دەس چەپی دیاد لە لای تابووتەگە و دەسی لەرزیاد.
رووژنامەیگ ناوخوەیی وەی چیرووکە وت: قیامەت لە مەرگ.
بالبران ئەرا رووژنامەی (ئیل ئۆنیفرسۆ) وت: داڵگی ها ژیر هەناسەدان دەسکرد و دڵی خاسە، و لە دەس پزشکەگە ئاگادارە.
رووژ جمعە، لە خەسەخانەی گشتی شار باباهویو مردن مونتویا راگەیانن.
وەگورەی وەزارەت تەندروسی، مونتویا وەکومان تویشهاتنی وە جەڵتەی مەغزی خریا خەسەخانە، و دڵی و هەناسەی وسیا، و تەقەلای ئەوزەڵکرۆنی شکست هاورد، دویای ئەوە پزشکەگە مردنی چەسپان.
وەزارەتەگە وتیش: دەسەیگ هونەری ئەرکدار کریا تا بچووکە بندروس ئی کارە، تا وەرپرسایەتی لە دەرکردن بەڵگەنامەی مردن دیاری بکریەێد.