شەفەق نیوز/ دویای دەرچگن سزای زیندان هەمیشەیی لەبان لوسی لیتبنی ئەو دویەت پەرستارە، مەزەنە هەی سزاگەی لەناو زیندان «ئیچ ئێم بی» لە ئاوای لە نیوتن لە ناوچەی ساوت لیک لاند لە ئەنگلترا تەواو بکەێد.
ئەو زیندانە کە قایم پاسەوانی کریایە، بڕیگ لە ژنە تاوانکارەیل هانە ناوی، یەکیگیان میرید فیلبوبە کە وەگەرد شویەگەی ئاگریگ کردنەو، بویە هوکار کوشیان شەش لە مناڵەیلیان.
راپۆرتەگە لە زوان ئەنجومەن چەودیاریکردن سەروەخوەی (IMB) وت: ئەو کەسەیلە لەناو زیندانەگە توەنن وەختیگ وەگەرد رێنیگ پەس و بون و کەرویشک و باڵندە گوزەران بکەن، ئەوەیش تا ئەوانە وە ئارامی بمینن.
بازاڕیگ پڕتاڵ و چشتەیل جوانکاری هاناو ئەو زیندانە، و ژوورەیلی وە تابلۆ وەپی دیوارەیلی هەڵڕازیانە.
دادگا بڕیار زیندانیکردن هەمیشەیی لەبان لیتبی دەرکرد، ک گەورەترین شمارە لە مناڵەیل کوشتیە، لە زنجیرە تاوانیگ لە سەردەم نوو لە بەریتانیا، دویای تاوانبارکردنی وە کوشتن ٧ کوورپە و تەقەلای کوشتن ٦ کوورپەی ترەک.