شەفەق نیوز/ یەکیگ لە گەورە وەرپرسەیل جیوەجیکار لە کۆمپانیای "ئەودی" گیان لەدەسدا لە دویای وەخوارکەفتن لەبەرزی 10 هەزار پا لەدویری چەن میل کەمیگ لە سنوور ئیتالیا و سویسرا.
لە راپۆرتە خەوەریەیل ئەوروپی هاتیە فابریزیۆ لونجو، 62 ساڵان کە کارەیلی لە کۆمپانیایەی ماشینە لوکسەیل لە ئیتالیا وەڕیوە ئەورد، وەبان کویەی سیما بایر وەبانەو چگە لە کویەی ئادمیلوو لە باکوور ئیتالیا و وەخوارکەفتیە.
دویای ئەوەگ کەشەوانەیل ترەک رویداوەگە دین داوای دەسمیەتی کردن تیمەیل فریاکەفتن رەسینە شوین رویداوەگە.
لەدویای ئەوەگ تەرمەگەی لە شوین رویداوەگە پەیاکریا خەوەر مردن لونجۆ راگەیانن.
لونجو لە ساڵ 1987 دەسکردیە وە کار پیشسازی لە دروسکردن ماشین لە کۆمپانیای وەرهەم هاوردن ماشینەیل ئیتالی، لە بەش بازاڕیکردن کارکردیە.