شەفەق نیوز/ وە تەمەنترین ژن لە جەهان وەپای قسەی بنەماڵەگەی "وەبی ئەوەگ مەینەتی بوینێد لەناو خەو کووچ دویایی کردیە".
خێزانەکە ئەو ژن وە تەمەنە (ماریا براناس مۆرێرا) لە بەیاننامەیگ ئوشن"ماریا وەو جویرە تواستیە، واتە لە خەودا وەبی ئەوەی تویش ئەزیەت بوود، مردیە".
ماریا براناس مۆرێرا بویە وەتەمەنترین کەس وەبان زەوی دویای مردن تێکلا جونیڤیچ-ی پۆڵەندی لە ساڵ ٢٠٢٢ ".
ماریا براناس مۆرێرا لە ٤ ئازاری ١٩٠٧ لە شار سانفرانسیسکۆ لە خێزانیگ ئیسپانی لەداڵگبویە، لە ساڵ ١٩٣١ شوی کردیە وە پزیشکیگ، لەوەخت شەر ناوخوەی ئسپانیا وەگەرد شویەگەی لە خەستەخانە جویر پەرەستار کارکردیە، س مناڵ و ١١ نەوە و ١٣ نەتیجەیان بویە لەی ساڵەیل کۆتاییە ڵە خانەی وەساڵاچگەیل زندگی کردیە.
رووژنامەی ئێل پایس-ی ئیسپانی رایگەیاندیە" نزیکەی ٢٠ هەزار کەس لە ئیسپانیا زندگی کەن، تەمەنیان لە بان ١٠٠ ساڵە، کە ٧٠٠ کەسیان تەمەنیان لە بان ١١٠ ساڵە".