شەفەق نیوز/ وە تەمەنترین لفانگ وەیەکەو لکیاگ لە جەهان لە خەسخانەیگ لە پێنسلڤانیا لە ئەمریکا کووچ دویایی کردن.
ماڵپەڕ توومارەیل گینس لە خەوەریگ راگەیان، دوو وە تەمەنترین لفانگ جەهان وە ناوەیل لۆری و جۆرج چاپڵ، لە تەمەن ٦٢ ساڵی کووچ دویایی کردن.
لفانگەیل، لە ١٨ی ئەیلول ساڵ ١٩٦١ لە ویلایەت پێنسلڤانیا لەداڵگبوین، کەللـەی سەریان بەشیگی وە رێژەی ٣٠٪ تێکەڵ بوی و هەمیش خوینبەرە گرنگەیلیان وەیەکەو لکیابوی.