شەفەق نیوز/ دەربەند بەیولە کەفێدە باکور خوەرهەڵات ئاوای بەیلولە لە بنار بەمۆ لە ناوچەی  دەشت شێخان لە نزیک ناحیەی مەیدان لە سنوور ئیدارەی گەرمیان، لەکنار یەکیگ لاپاڵەیل کویەیلە دەربەن بەیلولە نەخش  میژووێ تاشیایگ دیرێد ک وەپای سەرچەوەیل میژووی و نویسینەیل لای نەخشەگە مێژووەگەی گلەوخوەێد ئەرا زیاەر لە 4200 ساڵ وەرجەئیسە.

نەخشەگە یەکیگە لە کۆنترین شوینەوار و نوسینەیل کوردستان، نەخشەگە

 پێکهاتیە لە پادشایگ ک دوو لە دوژمنەیلی لە ژیر پایەیلی لەلی لالگیەنەو تائیرەنگە نەزانریاگە یە چ پادشایگە باوجی رای فرەیگ هەس  ک سەر وە لۆلۆیەگانە وە پشت بەسین وە چەن بەڵگەیگ.

نوسینەگەی بانی لە 46 هێما پێکهاتیە وە زوان ئەکەدی لەقەیی نوسیایە، ک وە چەن شیوەی جیاوازیگ لێکدانەوە ئەرای کریاگە، شوینەوارناس "شیل" لە ساڵ 1893" وەی جویرە ئەڵگەریان ئەرای کردیە:

"تاردونی کامل ،کوړ نیکی وولاته گه ی خاموش کرد ،یادگارییگ دانا ، وەختیگ كۆن بوی نووی کردەو ،هەرکەسیگیش یادگاریەگە  له ناو بوەێد خواوەند شامش و ئەهدەد نەوەیلی نەهیلن و لەناوی بوەن".