کوڵە چیرووک 

پیایگ وە دەم گوڵفرووشیێ وسا.

پیاگە تواس چەپگە گوڵێ ئەڕا داڵگی ک لە شار ترەک بی سفارش بیەێد تا ئەڕای بوەن.

وەختێ لە ناو گوڵفرووشیە هاتە دەیشت، چەوەێ کەفتە دۊەتێ ک لە لۊ دەرانەێ گوڵفرووشیە نیشتیە و گیرە کەێ.

پیاگە چیە نزیکیا لە لێ پرسی :

دۊەتە خاسەگە ئەڕا گیرە کەی ؟

  دۊەتە وەت :

تواسم ئەڕا داڵگم شاخە گوڵێ بسێنم ئەمانێ پۊلەم کەمە.

پیاگە بزگەخەنەێ داو وەت :

وەگەرد منا بەو، تا یەێ چەپگە گوڵ فرە خاس و جوانێ ئەڕاد بسێنم ک بوەی بەیدەێد وە داڵگد.

وەختێ لە ناو گوڵفرووشیە هاتنە دەیشت دۊەتە وە هاڵێ ک چەپگە گوڵە گرۊدە دەسیا بزگەخەنەیگ لە رۊ رازی و خوەشاڵێ وەبان لێوێ بی.

پیاگە وەتە دۊەتە :

توای بڕەسنمەد؟

دۊەتە وەت :

نە ، تا سەر قەور داڵگم رێیگ نییە نزیکە !

پیاگە دی نەتۊەنس چشتێ بۊشی،

ئەنوو گردەێ و ئەسر زایە ناو چەوەیلێ، تاو ناورد ، لە نوو چیەڕا ناو گوڵفرووشیە، چەپگە گوڵە سەنا و 200 کیلومتر ری کرد تا وە دەس خوەێ چەپگە گوڵە وە خڵات بەێد وە داڵگی !

شکسپیر ئۊشێ :

وە جیای یەگ تاج گوڵ گەورای کە دۊای مردنم ئەڕا بان تەرمم تیەری، شاخە گوڵیگ لە لی هە ئیمڕوو ئەڕام بار.