شەفەق نیوز/ فرە کەس لە تەمەن هەرزەکاریەو تاڵ چەرمگ کەفێدە ناو گیسی وە تایبەت لە تەمەن بیسەیل، و تویش بیزاریان کەێد چوینکە لەتەمەن خوەیان گەورەتر دەرکەفن.
ماڵپەڕ لوبنان ٢٤ لە باوەتیگ تەندروسی نویسایە، وەگەرد هووکارەیل بۆماوەیی ک دەوریگ سەرەکی دیرێد لە زوی چەرمگ بوین گیس بڕیگ هووکارتریش پاڵنەر سەرەکین ئەرا ئەو گیچەڵە، ئەوانیش:
یەکەم: دڵەڕاوکی دەروینی
وە وردەوامی دڵەڕەواکی دەروینی بوودە هووکار شەکەتی خانەی ریشگ گیس لە ئەنجام تاڵ چەرمگ دەرکەفێد.
دویەم: بیمارییەیل جیاواز
جویر لاوازبوین سیستەم وەرگیری لەش و تێکچگن چاڵاکی غودەی دەرەقی و چەندین بیمارییگ تر.
سێیەم: کەمەوبوین ڤیتامینەیل لە لەش
وەتایبەت ڤیتامین بی ١٢، ئەو کەسەیلە رووەک خوەرەن زیاتر رویوەروی کەمەوبوین ئی ڤیتامینە بوون، چوینکە زیاتر لە بەرهەمەیل ئاژەلی هەس.
چوارەم: سیگارکیشان
ئەو نیکۆتینەگ لە سیگار هەس زەرەد وە رەگ گیس رەسنێد، لەهەمان وەخت قژ رەونەق و جوانی لەدەس دەێد و زوی چەرمگ بوود.