شەفەق نیوز/ ئی هشکبوین سەختە تویش ئاو چەم و دەریاچەیل تەکساس هاوردیە، بویە هوکار دەرکەفتن شوین پای دایناسۆریگ گلەوخوەێد ئەرا 113 مەلیۆن ساڵ گوزەشتە.
جێف دیوس، وەرژرس دۆڵ دایناسۆرەیل لە تەکساس راگەیانیە، " ئیانە رەنگینترین شوینپایل جەهانن ک دەسکاری نەکریانە و جویر خوەیان مەننە".
ئەو کەسەگ وینەی شوینپای دایناسۆرەگە پەیاکردیە و توومارکردیە ئویشێد، کەمیگ خوەڵ و خەرگ لاوردیمن ئەو شوین پایە پەیاکردیمن ک تەمنی113 ملیۆن ساڵە و لە ساڵ 2000 ەو شوین پای لەی جویرە پەیا نەکریاگە