شەفەق نیوز/ هاندەریگ یانەی رایسینگی ئەرجەنتینی لە بازی کۆتایی جام سودا ئەمریکانا کەپووڵ باپیری ئەرا ناو بازیگا بەێد.
بازی کۆتایی جام سودائەمریکانا لە ناوەین رایسینگ ئەرجەنتینی و کروزیرۆی بەڕازیلی چەندین چەندین رویداو ئەلاجوی وەگەردیابوی.
مەوقەیگ میدیایەیل سەرقاڵ قسەکردن وەبان گڕوتین باوەڕوەپی نەکریاگ هاندەریل بوی، ئیرنگە وینەی یەکیگ لە هاندەرەیل یانە ئەرجەنتینیەگە گشت سەرنجەیل خستیەسە بان خوەی.
هاندەرەگە وە کەلەسەر باپیری چگە وەناو بازیگا و وە قسەی خوەی تواستیە دەرفەتیگ ئەرا روح باپیری برەخسنێد کە دوینەر پاڵەوانیەتیە دڵخوازەگەی خوەی بوود، لە دویای بڵاوبوین خەوەرەگە هاندەرەگە لێدوان دا و وت: " باپیرم ناوی ڤالێنتین ئاگویرێ بوی، هاندەریگ سەرسەخت رایسینگ بوی کە تا دویا چرکەی ژیانی وە ئەو جویرە مەن، باپیرم خوەشەویست ژیانم بوی، فرە دوس دیرێد لە بازی کۆتایی لێرە بوود پاڵەوانێتی یانە دڵخوازەگەی بنوڕێد، منیش وە باوەڕیگ تەواوەو کەلەسەرەگەی هاوردم.