شەفەق نیوز/ ئەرک سەرەکی هۆڕمۆنەیل ڕێکخسن و هاوسەنگ کردن لایەن دەرۊنی و جەستەییە لە ئیمەی مرۆڤ.  

بڕیگ لەلیان وە هۆڕمۆن خۆشبەختی ناسریاگن و وەشیوەی تایبەت دەور دۊنن لە کەمکردن دڵتەنگی و دڵەڕاوکێ و هەس وە شادی کردن، ماڵپەڕ brightside لە باوەتیگ خوەی وەیجۊرە باس لە چەن دانەیگ لەو هۆڕمۆنەیلە کەێد:  

1. ئەسیتایل کولین  وەرپرسە لە ئاگایی و فەراموش نەکردن، ئاگادارکردن شەھیەت و حەز خواردن.

 2. میلاتۆنین لە ری ڕێکخسن ساعاتەیل بایۆلۆژی لەش دەسمیەتی لەش دەێد ئەرا خەو و هوچان پێوسیت.  

3. ئیندۆرافین وەشیوەی گشتی دەور دیرێد لە کەمکردن ژان  و هەروەها بوودە هووکار ئارامی دەرۊنی و دڵخوەشی مرۆڤ.  

4. دۆپامین وەرپرسە لە چیژ وەرگردن، هەرلیوا وەرپرسە لە هۊردبینی و سەرنجدان مرۆڤ.  

5. ئینکیفالین ئەو ھۆرمۆنە وەرپرس دژە دڵتەنگیە دەسمیەتی لایەن دەرۊنی مرۆڤ دەێد. 

6. ئۆکسیتۆسین ئەو ھۆڕمۆنە وەرپرسە لە وروژانن سۆز و خوەشەویستی ئەرا کەس وەرانوەر.

 8. سیرۆتۆنین  وەشیوەی ڕاستەوخۆ دەور دیرێد لە خاستر کردن خەو و نەھیشتن نیگەرانی و دڵەڕاوکی.