شەفەق نیوز/ ماڵپەریگ جهانی، ئمڕوو یەکشەممە، خەوەردا ک زیاتر لە ٨٤٤ ملیۆن کەس لە کەم خواردن زیان دوینن، و رووژانە زیاتر لە ١٦ هەزار لەوەر ورسگی مرن.

ماڵپەڕ World ometers ئەمریکی، ک تایبەتە وە دانیشتەوەیل و پێویستیە سەرەکیەگان لە راپۆرتیگ ئاژانس شەفەق نیوز چەودیریی کرد وت:

ژمارەی ئەو کەسەیلە ک زیان دوینن لە کەم خوراكی ئیسە رەسێدە ٨٤٤ ملیۆن و ٧٤٢ کەس، و دیاری کرد ک ژمارەی ئەو کەسیلە ک رووژانە لەورسگی مرن رەسێدە ١٦ هەزار کەس، و ساڵانە ٦ مەلیۆن و ٣٥٨ هەزار کەس مرێد. وتیش: ئەو کەسەیلە ک زیان وەخوەیان دوینن لە زیایبوین کیشیان ژمارەیان رەسێدە ٦٩٦ مەلیۆن و ٥٩٤ هەزار کەس، و ژمارەی ئەو کەسەیلە ک لە قەڵەوی زیان دوینن رەسێدە ٧٦١ مەلیۆن و ٨٣٤ کەس.

رێکخراو کشتوکاڵ و خواردەمەنی سەروە نەتەوە یەکگرتوەگان لە ساڵ ٢٠٢٠ ئاشکرا کرد ک ژمارەی زەرەدمەنەیل لە ورسگی لە گشت جهان ها لە بەرزەوبوین یەواشیگ لە ساڵ ٢٠١٤ تا ئیسە، و دیاری کرد ک کیش زیای لە قۆناغ مناڵی خاسەو نیەوود، و قەڵەوی لەلای گەوراگان هالە زیایبوین لە گشت ناوچەگان.