شەفەق نیوز/ لە تاوسانان فرەیگ لە مەردمەیل خوەشیان تیەێد لە نووشەمەنیەیل سەرد، وەبی ئەوەگ بزانن مەترسی دیرێد وەبان تەندروسییان.
دكتۆر ئیرینا بیریژنایا، ک پسپۆڕیگ روسییە لە مژار خوەراک، هووشداری دەێد لەباوەت نووشەمەنیەیل فرە سەرد و ئویشێد؛ " نووشین بڕیگ فرە لە نووشەمەنیەیل سەرد کاریگەری نەرێنی لەبان تەندروسی لەش دروس کەێد، هاتی کەسەگە تویش جەڵتەی دڵ بکەێد".
هەمیش باس لەوەکردیە، " لەی وەرزە یەخ فرە کریەێدە ناو نووشەمەنیەیل، یەیش زەرەر دیرێد ئەرا کردار هەرس".
ئاشکەرایشی کردیە، لەهەمان وەخت کریگەری دیرێد وەبان ناهاوسەنگی رژێنەیل، وهاتێ پلەی گەرمی لەش نەڕەسێدە پلە گەرمی دیاریکریاگ.